كيكه الشيكولاته مجربها روعه

بصوا يا جماعه انا عملت كيكه حلوه جدااااااااااااااااا وعجبتنى وقلت اكتبلكم المقادير واجرى على الله

المقادير
7بيضات او 8 بيضات لو بلدى
كوبيتين الا ربع سكر
نص كوب زيت
فانليا
كوب لبن
كوب ونص دقيق
نص كوب كاكو حلويات
بيكنج بودر
طريقه العمل
ضيفى السكر مع الزيت والكاكاو الخام واللبن واضربيهم كويس اوى فى الخلاط بعد كده خدى كوب واحد من الخليط وحطيه فى التلاجه او الفريز وباقى الخليط ضيفى عليه البيض والفانليا واضربيه كويس وضيف الدقيق واليكنج بودر واخلطيهم كويس وجهزى صنيهمدهونه بالسمن والدقيق واسكبى الخليط فيها وحطيها فى الفرن لمده من نص ساعه لساعه الا تلت خلى حراره الفرن متوسطه من 160 ل 180 درجه وبعد مطلع قطعيها بسرعه وهاتى الخليط الى فى التلاجه واسكبيه على وش الكيك هتبقى زى ميكون عليها شكويلاته وكليها بالهنا والشفا بس جميله ياريت تجربوها
ملحوظه
خلى كل حاجه بتعملى فيها الكيك ناشفه من الميه تماما عشان البيض ميعملش ريحه ظفار
خلى البيض بيكون بره التلاجه قبل متعملى يعنى ميكنش ساقع
اللبن يكون دافى حبه ميكنش من التلاجه على طول
الفرن يكون مولع قبل مدخليها بشويه
دى حجات بتساعد فى نجاح عمل اى كيك

ميرسي شهيتينا

العفو